قائمة البرامج > الأوت لوك Outlook

كيف تستطيع رؤية بريدك عن طريق Outlook Express

الكاتب:


المصدر: http://www.vip600.com/

بسم الله الرحمن الرحيم ...

السلام عليكم ورحمة الله وبركاته ...

أغلب الناس إذا صار وده يشوف الرسايل اللي بإميله يفتح الماسنجر ولا يروح لموقع هوتميل ويشوفه ... إلخ ، أما مع برنامج Outlook Express فإنك أول ما تفتح البرنامج يجيب لك الرسايل اللي بإميلك بكل سهولة بس أنت عط سداح فرصة .

في هذا الدرس أبعلمكم وشي الخطوات اللازمة علشان تشوف إميلك بالآوت لوك وبسم الله نبدأ :

1- بعد ما تفتح البرنامج إضغط على أدوات بعدين حسابات .



2- بعدين تطلع لك هالنافذة اللي بالصورة تحت ، إضغط على إضافة بعدين بريد .



3- يبي تطلع لك هالنافذة إكتب بها إسمك اللي هو الـ User Name يعني مثلاً حطيت اسمك فيصل وأرسلت لواحد رسالة يطلع عنده إسم المرسل فيصل بعدين إضغط على التالي .



4- بعد ماضغطت على التالي إكتب إميلك ولازم يكون بـ @hotmail ولا بـ @msn ولا بـ @passport واضغط على التالي .



5- تطلع لك نافذة تسوي فيها مثل الصورة اللي تحت بعدين إضغط على التالي .



6- تبي تطلع لك نافذة تكتب فيها إميلك وكلمة المرور حقته إكتب إميلك وإذا كنت عجاز مثلي إكتب كلمة المرور وأشر على حفظ كلمة المرور علشان إذا دخلت البرنامج ما ينفخ عليك ويقول لك إكتب كلمة المرور وإذا خلصت اضغط على التالي .



7- نكون بعد كذا شبه انتهينا بعد كذا تطلع لك نافذة لاحظ فيها اميلك الجديد صار اسمه Hotmail إضغط على إغلاق .



8- بعد ما تضغط على إغلاق تطلع لك هالرسالة إضغط على نعم علشان تحمل الرسايل اللي ببريدك .



9- بعد ما يخلص من تحميل الرسايل من بريدة تلاحظ بريدك الجديد على اليمين إسمه hotmail إضغط عليه مرتين بعدين إضغط على البريد الوارد عشان تشوف الرسايل اللي عندك ، وبعدين تصير كذا كل ما دخلت الآوت لوك تشوف بريدك على طول .



كيف ترسل رسالة عن طريق البرنامج

إذا شفت إميل واحد مكتوب بموقع أو بمنتدى وعليه رابط تضغط عليه مثل كذا : faisal8000@hotmail اضغط عليه وتطلع لك رسالة مثل اللي بالصورة وموضح عليها وش تسوي (( ترا مو شرط إنك لازم تضغط على الإميل إذا ودك ترسل لواحد ما تقدر تضغط على اميله افتح الآوت لوك واضغط على ملف بعدين جديد واضغط على رسالة بريد ويطلع لك نفس اللي بالصورة )) .



إذا حبيت تضيف إضافات على الرسالة وتغير بالخلفية أو تحط الخلفية صورة إضغط على تنسيق وخربط على كيفك ، وإذا بغيت ترفق مع الرسالة يعني ملف أو صورة أو صوت إضغط على إدراج وحط اللي أنت تبي



وفي الختام أسأل المولى القدير أن أكون قد وفقت في شرح هذا الدرس شرحاً كافيا وهذا العمل هو جهد بشري غير سالم من العيوب والأخطاء فإن رأى الأخوان علي خطأ فلا يبخلون علي وأي سؤال أو إستفسار تراني جاهز وبالخدمة وسامحونا على التقصير والسلام عليكم ورحمة الله وبركاته ،،،